موضوع هل الحب يتحول الى صداقه؟

السلام عليكم ورحمة الله انا اول اول مرة اشارك بموضوع ويهمنى اسمع رايكم
ياترى ممكن الحب يتحول لصداقه؟يعنى اتنين بيحبوا بعض اوى ممكن يبقوا اصحاب
انا فى رايئ انه ممكن وكمان ممكن يكونوا افضل اصحاب المهم انه يكون بمواقفه الطرفين ورضاهم على انهم يكون اصحاب يهمنى اسمع رايكموانتظار الردود

ميرسى يامنى اولا على تانى مشاركة ليكى
ثانيا الموضوع ده مفتوح لاراء جميع الاعضاء
وانا رأيى ان فى ناس كتير بتقول ان الحب عمره ما يتحول لصداقة انما العكس هوا الصحيح
لكن ممكن الحب يتحول لصداقة وصداقة وطيدة كمان لما يكون الحب ده حب نادر حب صادق بجد
لدرجة ان الطرفين مش هيقدروا يتخلوا عن بعض تحت اى ظرف حتى لو بقوا اصدقاء مش اكتر لكن مع رايى ده برده اعتقد ان الحب حب والصداقة صداقة ولو حصل انه اتحول لصداقة هتبقى فى حساسية زايدة فى التعامل وعتاب ولوم .......... هوا النبى أدم ايه غير عتاب ولوم وشوية حاجات فوق بعض؟؟

انا رائى مختلف عندكو الانتو الاتنين ..... علشان الحب مش ممكن يتحول الى صداقه فى اى حال من الاحوال لكن الصداقه ممكن تتحول الى حب و دا حصل كتير ...... انا قولت اللى فيها عشان ابقى خلصت ذمتى من ربنا و برضه احب اسمع ردكم ؟

مهو مع احترام ليكم على الردود انا ذكرت انه باتفق الطرفين وانهم مقتنعين باتخذ خطوة زى ديه وعارفين حدودها وميرسى لرد

مع احترامي للكل طبعا في البدايه الحب ده احنا اللي بنصدقه واحنا كمان اللي ممكن نكدبه ولو حبت واحد ولا واحده تنهي العلاقه فتنتهي با المره مش صداقه وكده عارفين ليه افرض هو ولا هي حب حد تاني والصديق بيتكلم مع صديقه عادي وقالها انا بحس با المشاعر دي تجاه اي حد موقفها هيكون ايه ولا موقفه ولا الاجابه هتكون ايه وبعدين احنا مسلمين ومفيش صداقه بين ست وراجل وبعدين اقولك يا مني والكلام ده مني ليكي انتي ايه فايدة انك تحبي واحد وتسبيه وانتي علي ايه اساسا تحبي حد غريب خليكي كده لغاية لما يجي ابن الحلال وتلقيه ويكون هو جوزك وحبيبك وصديقك كمان صح ولا انا غلطانه انا عارفه ان الحب مالوش معاد ولا مع مين بس احنا نمسك علي نفسنا صح ولا ايه وده رايي وكل واحد حر صح ولا ايه

والله يا اختى هدير ديه مجرد مناقشه عاديه مش مسالة شخصية وحبيت اعرف رايكم فيه انا مش مستعجلة على الحب والله انا عارفه حدود الصداقه بينى وبين اى حدوميرسى لردك

انا راى فى الموضوع دة مع احترامى لكل الاراء التانية ان مش ممكن يتحول الحب الى صداقة ، هى ممكن تكون كلمة بتتقال وقت الفراق بين حببين بس مش بتتنفذ وصدقونى انا جربت لان علشان انسى حبيبى دة لازم مشفوش لفترة طويلة وعايز اقول حاجة لهدير مع احترامى الشديد لها ان مش لازم البنت تستنى ابن الحلال اة دة كويس بس لازم تكتسب خبرات فى الحياة الا اذا كان جواز تقليدى يعنى قرابة ابن خال او ابن عم مثلا انتا اسف انى طولت عليكم بس صدقونى انا كنت عايز اتكلم كتير فى الموضوع دة لانة بجد مهم جدا جدا واشكر منة ان هى اتكلمت فية

انا مش قصدي استنا ابن الحلال الحب ده ايه مش حب والم وعذاب وكده صح ماشي طيب ليه انا ارتبط با انسان انا مش متاكده انه هيفضل معايا ويمكن ده اكيد فعلي ايه وازعل ومش عارفه ايه والحوارات دي وهيكون ذكرا في حياتك صح ويمكن تفكري فيه بعد كده وانتي مع واحد تاني مش يمكن ده اكيد وانا بعتبر انك مخطوبه او متزوجه وتفكري في حد تاني دي خيانه في نظري الا اذا كان ليكي راي تاني هو ده قصدي

ازاى انتى هترطبتى بانسان انتى مش متاكدة انة هيكمل معاكى انتى اكيد فى سنك دة تعرفى تفرقى بين العقل والقلب واشكركلاهتمامك ياهدير لان دة مجرد راى مش اكتر

والله يا جماعة انا فى اول كلامى قولت بموافقه الطرفين يعنى ممكن طرف يرفض وممكن يقبل انما هو مش شرط فى ناس عقلها كبيرة وفاهمة وشايفين انهم يقدورا يحكموا عقلهم ويعرفوا ازاى يبقوا افضل اصدقاء ميرسى جدااا للردود

ده رايي ياجماعه واحنا اتفقنا ان اختلاف الراي لا يفسد للود قضيه صح ولا ايه

معلشى بقى يا جماعة دى اول مشاركة بس انا منشغل بحال المنتدى عشان عاوز اكبرو انا وميدو وانا اسمى احمد وياريت ابقى صديق ليكم وانا بجد يا اميرة دخلت ارد على موضوعك معلشى هيا جت متاخرة شوية بس جت وخلص انا دلوقتى لو بحب واحدة اوى وحصل بينا موقف ممكن ينتهى الحوار والموضوع يبقى صداقة عادية وممكن ميكنش حاجة ولى صداقة ولى كلام من اصـلو بس لو اتنين بيحبو بعض اوى ومتفقين مش هيفرقهم عن بعض غير الموت يبقى هيسامح لاان من عادة اللى يحب بيسامح وفى النهاية بشكرك على التوبيك دة وميرسى ليكى ولكل اعضاء المنتدى

واللة ياجماعة مهما قلنا فى الموضوع دة هو الراى الاول والاخير فية يرجع للاتنين وهما اكيد فهمين طبعا وربنا يعمل ما فية الخير

صح كده بس فى الاخر الحب الحقيقى هو اللى بيعيش و مش ممكن يتحول لصداقه ......... لكن الاعجاب بس او الاحتياج للحب ممكن بعد ما ياخد وقته الانسان يراجع نفسه و يعرف انه كان عنده احتياج للحب بس و مش حب حقيقىو مع موافقه الطرف التانى ممكن يرجعو اصدقاء ... دا رايى

ممكن الحب يحول لصداقه اكيد بس فعلا لو الطرفين متفقين على كده واعتقد انا ده نتيجه لانهم فعلا مش هيقدروا يبعدوا عن بعض وخصوصا اذا كان الحب حقيقي بينهم بس لو كان ي اي مشاكل هتحصل بسبب الصداقه ديه اكيد ساعتها هما اللي هيقرروا انهم مش يكملوا الصداه ديه بس

ميرسى على ردك يا قطقط يا عسل وميرسى على اول مشاركة ليكى وبالتوفيق انشاء الله